وفاقی وزیر اطلاعات عطااللہ تارڑ نے نے کہا ہے کہ یونیورسٹی آف لندن نے پاکستان میں تعلیمی معیار کو نئی جہت دی اور مسلسل بہتری اور جدت کو اپنانا یونیورسٹی کی نمایاں پہچان ہے۔
یونیورسٹی آف لندن کے وفد کے اعزاز میں منعقدہ تقریب سے خطاب کرتے ہوئے انہوں نے کہاکہ معزز اور باوقار اجتماع سے خطاب کا موقع ملنا باعث اعزاز اور باعث افتخار ہے۔
مزید پڑھیں: مس انفارمیشن موجودہ دور کا سب سے بڑا چیلنج، حکومت اکیلے نہیں نمٹ سکتی، وزیر اطلاعات عطااللہ تارڑ
عطااللہ تارڑ نے کہاکہ یونیورسٹی آف لندن کا تعلیمی سفر کئی دہائیوں پر محیط ہے اور وہ یونیورسٹی آف لندن کی پاکستان کے تعلیمی شعبے سے وابستگی اور خلوص کو سراہتے ہیں۔ انہوں نے کہاکہ تعلیمی تعلق وقت کے ساتھ مزید مضبوط اور مؤثر ہوتا رہا ہے۔
وزیر اطلاعات نے کہاکہ یونیورسٹی آف لندن نے پاکستان میں تعلیم کے فروغ کے لیے کام کیا، اور جدت، اختراع اور نئے ماڈیولز متعارف کرائے۔
انہوں نے کہاکہ یونیورسٹی آف لندن نے پاکستان میں تعلیمی معیار کو نئی جہت دی اور مسلسل بہتری اور جدت کو اپنانا یونیورسٹی کی نمایاں پہچان ہے۔
عطااللہ تارڑ نے مزید کہاکہ یونیورسٹی کی جانب سے تحقیق و ترقی پر بھرپور توجہ دی جا رہی ہے اور ہر گزرتے سال کے ساتھ نمایاں بہتری دیکھ رہے ہیں۔
انہوں نے کہا کہ یونیورسٹی آف لندن کے پروگرامز صرف پاکستان میں ہی نہیں بلکہ دنیا بھر میں موجود ہیں۔
مزید پڑھیں: سہیل آفریدی کی جانب سے افغانستان کی ترجمانی قابل مذمت اور شرمناک عمل ہے، وزیر اطلاعات عطااللہ تارڑ
وزیر اطلاعات نے کہاکہ ہمیں خوش قسمتی حاصل رہی کہ دوران تعلیم ممتاز اور باوقار اساتذہ کی رہنمائی حاصل رہی اور آؤٹ ریچ جیسے پروگرامز تعلیم کے فروغ میں اہم کردار ادا کریں گے۔
