صدر آصف علی زرداری سے بحرین کے وزیر داخلہ کی ملاقات میں دونوں ممالک کے درمیان سیکیورٹی اور انسداد دہشتگردی کے شعبے میں تعاون کو مزید مضبوط بنانے پر تبادلہ خیال کیا گیا۔
مزید پڑھیں: صدر مملکت آصف علی زرداری بحرین کا 3 روزہ سرکاری دورہ کریں گے، دفتر خارجہ
ملاقات میں صدر زرداری نے وفاقی وزیر داخلہ محسن نقوی کے کردار کو سراہا اور کہا کہ محسن نقوی میرے بیٹے بلاول کے بعد دوسرے بیٹے کی مانند ہیں۔ بحرینی وزیر داخلہ نے بھی محسن نقوی کا ذکر کرتے ہوئے دونوں ممالک کے تعلقات کو فروغ دینے میں ان کی خدمات کو اجاگر کیا۔
صدر آصف علی زرداری سے بحرین کے وزیر داخلہ کی ملاقات میں دونوں ممالک کے درمیان سیکیورٹی اور انسداد دہشتگردی کے شعبے میں تعاون کو مزید مضبوط بنانے پر تبادلہ خیال کیا گیا۔@AmirSaeedAbbasi @KulAalam pic.twitter.com/GHg8QBtBlI
— Media Talk (@mediatalk922) January 15, 2026
دونوں رہنماؤں نے منشیات کی اسمگلنگ کے خلاف مشترکہ اقدامات اور منظم جرائم کے خلاف حکمت عملی پر زور دیا۔ انہوں نے پاکستان اور بحرین کے درمیان سیکیورٹی تعاون بڑھانے کے لیے عملی اقدامات جاری رکھنے پر اتفاق کیا۔
مزید پڑھیں:صدر آصف علی زرداری کی کربلا میں روضۂ امام حسینؓ اور حضرت عباسؑ پر حاضری
صدر زرداری نے کہا کہ پاکستان اور بحرین کی شراکت داری نہ صرف دوطرفہ تعلقات کے لیے اہم ہے بلکہ یہ علاقائی سلامتی کے نقطہ نظر سے بھی کلیدی حیثیت رکھتی ہے۔
