پاکستان سوشل میڈیا کے دو سپر اسٹار کنول اور ذوالقرنین نے شمالی علاقہ جات سے اپنی بیٹی کے ہمراہ نئی تصاویرجاری کی ہیں۔
کنول آفتاب اور ذوالقرنین سکندر نے گرمی کی شدت سے بچنے کے لیے پاکستان کے شمالی علاقہ جات کے انتہائی خوبصورت مقامات کی سیاحت کا منصوبہ بنایا۔ سوشل میڈیا کی یہ دونوں مشہورشخصیات اپنی چھوٹی بیٹی عزال ذوالقرنین کو بھی اپنے ساتھ لے گئیں ہیں۔
شمالی علاقہ جات کی سیاحت کے دوران کنول اور ذوالقرنین کو اپنے دوستوں کے ہمراہ وہاں دیکھا گیا، جہاں انہوں نے وہاں کے سرد موسم میں سری پائے کے ساتھ خوب لطف اٹھایا۔
سیاحت کے دوران کنول آفتاب اور ذوالقرنین سکندر نے اپنی خوبصورت تصویریں لیں۔ تصاویر اور ویڈیوز میں کنول آفتاب اور ذوالقرنین سکندر کو وہاں کے سبزہ زاروں پر ٹہلتے ہوئے دکھایا گیا ہے۔ اس دوران ان کی بیٹی عزل ذوالقرنین بھی اپنے والدین کے ساتھ سفر پر ہیں۔
کنول آفتاب نے اپنی بیٹی کے ساتھ خوبصورت ویڈیو بنائیں اور سوشل میڈیا پر شیئر کی ہیں۔
