سینیئر سیاستدان اور رکن قومی اسمبلی شیر افضل مروت نے دعویٰ کیا ہے کہ امریکی صدر ڈونلڈ ٹرمپ، چیئرمین پاکستان تحریک انصاف (پی ٹی آئی) عمران خان کی رہائی کے لیے پاکستان کے فیلڈ مارشل عاصم منیر سے رابطے میں تھے، تاہم اس دوران قومی اسمبلی میں پی ٹی آئی کے بعض ارکان کی جانب سے امریکا اور ڈونلڈ ٹرمپ کے خلاف احتجاج کے باعث یہ معاملہ آگے نہ بڑھ سکا۔
میں نے انتہائی وثوق ذرائع سے سنا ہے کہ ڈونلڈ ٹرمپ عمران خان کی رہائی کیلئے فیلڈمارشل کے ساتھ بات کر رہے تھے اسی دوران پی ٹی آئی ارکان اسمبلی میں امریکہ اور ٹرمپ کیخلاف احتجاج کر رہے تھے تو معاملہ رک گیا، شیر افضل مروت pic.twitter.com/bYjnwdE0iZ
— Tayyab Khan (@TayyabKhanARY) January 19, 2026
حال ہی میں وہ شازیہ ذیشان کے یوٹیوب پروگرام میں شریک ہوئے جہاں مختلف موضوعات پر گفتگو کی اس دوران شیر افضل مروت کے مطابق انہیں یہ معلومات انتہائی باوثوق ذرائع سے موصول ہوئی ہیں۔ انہوں نے کہا کہ پس پردہ سفارتی سطح پر پیش رفت جاری تھی، تاہم پارلیمنٹ میں ہونے والے احتجاجی رویے نے اس عمل کو متاثر کیا۔
