سعودی کلچرل آرٹس کمیشن نے پیرس میں جاری بین الاقوامی نمائش SIRHA Bake & Snack 2026 میں ملک کی متنوع کھانے پینے کی ثقافت اور روایتی ذائقوں کو متعارف کرایا۔
مزید پڑھیں: سعودی عرب کے شہر حائل نے آف روڈ گاڑیوں کے سب سے بڑے قافلے کا گنیز ورلڈ ریکارڈ قائم کرلیا
کمیشن کی چیف ایگزیکٹو آفیسر میادہ بدر کے مطابق یہ نمائش عالمی سطح پر شیفوں اور کھانے کے ماہرین کا ایک اہم اجلاس ہے، جو سعودی عرب کے متنوع ذائقوں اور ثقافتی ورثے کو دنیا کے سامنے پیش کرنے کا بہترین موقع فراہم کرتی ہے۔
نمائش میں سعودی تاریخ کے مرکزی اجزا کھجور اور پنیر کی جوڑی کے تجربات پیش کیے گئے، جس میں فرانسیسی تکنیک اور سعودی ذائقوں کا منفرد امتزاج دکھایا گیا۔
سعودی شیفوں نے روایتی کھجور سے جدید ڈیزرٹس اور پیسٹریز براہ راست تیار کیں، جبکہ سعودی مہمان نوازی کو سعودی کافی کے ذریعے مکمل کیا گیا۔
مزید پڑھیں: سعودی عرب میں ساحلی سیاحت کے فروغ کے لیے نئے قوانین نافذ
سعودی عرب میں سالانہ 1.9 ملین ٹن سے زائد کھجور پیدا ہوتی ہیں، جن کی 300 سے زائد اقسام ہیں، اور ان کی برآمدات کا عالمی حجم 1.6 بلین ریال سے زائد ہے، جو 130 سے زائد ممالک تک پہنچتی ہیں۔
کمیشن کے مطابق اس قسم کے بین الاقوامی پلیٹ فارمز کے ذریعے مقامی پیداوار کو فروغ دینا اور سعودی کھانے کے ذائقوں کو عالمی سطح پر متعارف کرانا ممکن ہوتا ہے۔
