اسلام آباد کے تھانہ کورال کے علاقے شریف آباد میں ایک دکان میں آتشزدگی کا واقعہ پیش آیا ہے۔
یہ بھی پڑھیں: گل پلازہ سے ملنے والی انسانی باقیات کی حالت خراب، ڈی این اے کا حصول بھی ناممکن ہوگیا
پولیس کے مطابق واقعے کی اطلاع ملتے ہی پولیس اور ریسکیو ٹیمیں فوری طور پر موقع پر پہنچ گئیں۔
ڈی آئی جی اسلام آباد محمد جواد طارق خود جائے وقوعہ پر موجود ہیں اور جاری ریسکیو آپریشن کی براہ راست نگرانی کر رہے ہیں۔ ان کے ہمراہ اسلام آباد پولیس کے سینئر افسران بھی موقعے پر موجود ہیں۔
پولیس اور ریسکیو ادارے مکمل ہم آہنگی کے ساتھ امدادی کارروائیاں انجام دے رہے ہیں جبکہ علاقے کو محفوظ بنانے کے لیے شہریوں کو جائے وقوعہ سے دور رکھا جا رہا ہے۔
مزید پڑھیے: گورنر سندھ گل پلازہ کے متاثرہ تاجروں کے حق میں سامنے آگئے، بڑا مطالبہ کردیا
انتظامیہ کی جانب سے شہریوں سے اپیل کی گئی ہے کہ وہ ریسکیو ٹیموں کے ساتھ تعاون کریں اور غیر ضروری طور پر جائے حادثہ پر جمع نہ ہوں۔
