پاکستان تحریک انصاف کے جنرل سیکریٹری عمر ایوب نے الزام عائد کیا ہے کہ اسلام آباد پولیس نے ان کی گرفتاری کے لیے’غیر قانونی چھاپے‘ کے دوران ان کی گاڑی ’چوری‘ کر لی ہے۔
مائیکروبلاگنگ سائٹ ٹوئٹر پر اپنے پیغام میں سابق وزیر پیٹرولیم عمر ایوب نے کہا ہے کہ اسلام آباد کے شالیمار تھانے کی پولیس نے اتوار کی رات لگ بھگ ساڑھے بارہ بجے کسی سرچ وارنٹ کے بغیر ان کے گھر چھاپہ مارا اور ان کی پارک کی ہوئی گاڑی ٹویوٹا ہائی لکس ٹوئن کیبن ماڈل 2011 چوری کر لی۔‘
Islamabad Police from Shalimar Police Station raided my house again at approx 12:30 am 28.5.23 without a search warrant & stole my parked Toyota Hi Lux Twin Cabin Model 2011. Islamabad Police is indulging in illegal searches & now vehicle thefts. Members of the Judiciary, Civil…
— Omar Ayub Khan (@OmarAyubKhan) May 27, 2023
عمر ایوب کے مطابق اسلام آباد پولیس غیر قانونی تلاشی اور اب گاڑیوں کی چوری میں ملوث ہے۔ عدلیہ کے ارکان، سرکاری ملازمین اور سفارت کاروں کو اپنی گاڑیوں کا خیال رکھنا چاہیے کیونکہ پولیس نے اس انتہائی مہنگائی کے دور میں اپنی تنخواہیں بڑھانے کے لیے گاڑیاں چوری کرنے کا سہارا لیا ہے۔
’ مجھے اپنی چوری شدہ گاڑی کے لیے ایف آئی آر کہاں درج کرانی چاہیے؟ کیا میں چوروں سے چوروں کو پکڑنے کا کہوں؟‘
