ترکیہ کے صدارتی انتخابا ت میں کہیں طوطا اور بکری بھی اپنے مالکوں کے ساتھ ووٹ ڈالنے کے لیے آئے، تو کسی فرد نے بارہ سنگا کا روپ دھار رکھا تھا۔
صدارتی انتخابات کے لیے ووٹ ڈالنے کے لیے آنے والے افراد مختلف طرح کے کرداروں میں ڈھل کر آئے۔ سماجی رابطے کی ویب سائٹ ٹوئٹر پر شیئر کی جانے والی مختصر ویڈیو میں دیکھا جا سکتا ہے کہ ایک شخص ووٹ ڈالنے کے لیے طوطے کو ہاتھ پر بٹھائے کمرے میں داخل ہوتا ہے۔
اسی طرح ویڈیو میں ایک دلہن کو بھی ووٹ ڈالنے کے لیے آتے ہوئے دکھایا جاتا ہے تو دوسری طرف ایک شخص بارہ سنگا کا روپ دھارے ووٹ ڈالنے آتا ہے۔ ایک عورت کے کندھوں پر بلی براجمان ہوتی ہے، اسی طرح ایک پولنگ اسٹیشن میں ایک بکری اپنی مالکن کے ساتھ ووٹ ڈالنے آتی ہے۔
From pet sheep and parrots to a man dressed as a deer, here’s how people turned out to vote in Turkey’s first-ever election run-off to decide whether Erdogan remains president 👇 pic.twitter.com/O6MaThvAFi
— Al Jazeera English (@AJEnglish) May 28, 2023
ووٹنگ کی نگرانی کرنے والا عملہ بھی ان ووٹروں کو پالتو جانوروں کے ساتھ دیکھ کر خوشی کا اظہار کرتے اور ویڈیو بناتے دکھائی دیتا ہے۔
دوسری جانب ترکیہ کے صدر رجب طیب اردوان نے روایت کو جاری رکھتے ہوئے اپنے حامیوں میں پیسے اور کھلونے تقسیم کیے۔
واضح رہے کہ گزشتہ روز ترکیہ کے صدارتی انتخابات کے دوسرے راؤنڈ میں صدر رجب طیب اردوان تیسری مرتبہ صدرمملکت منتخب ہوئے ہیں۔
