اسلام آباد میں مسجد پر ہونے والے خودکش حملے کے بعد بھارت کی وزارتِ خارجہ نے ایک سرکاری بیان جاری کرتے ہوئے جانی نقصان پر افسوس کا اظہار کیا ہے، تاہم ساتھ ہی پاکستان کی جانب سے عائد کیے جانے والے الزامات کو مسترد کرتے ہوئے انہیں بے بنیاد اور لاحاصل قرار دیا ہے۔
Our statement on the attack in Islamabad ⬇️
🔗 https://t.co/3gEF7kEzGO pic.twitter.com/H0EIpuBsSb
— Randhir Jaiswal (@MEAIndia) February 6, 2026
بھارت کی وزارتِ خارجہ کی جانب سے جاری بیان میں کہا گیا ہے کہ اسلام آباد کی ایک مسجد میں ہونے والا بم دھماکا قابلِ مذمت ہے اور بھارت اس واقعے میں قیمتی جانوں کے ضیاع پر تعزیت کا اظہار کرتا ہے۔ بیان میں کہا گیا کہ اس افسوسناک واقعے پر ہمدردی کے بجائے پاکستان کی جانب سے الزامات عائد کرنا بدقسمتی ہے۔
یہ بیان ایسے وقت میں سامنے آیا ہے جب اسلام آباد میں ہونے والے خودکش حملے پر پاکستان کی جانب سے سخت ردعمل سامنے آ رہا ہے اور اعلیٰ حکومتی شخصیات نے واقعے کے تانے بانے بیرونی عناصر سے جوڑنے کا عندیہ دیا ہے۔
