وزیراعظم شہباز شریف نے وزارتِ خارجہ میں 24 اہم سفارتی تقرریوں اور تبادلوں کی منظوری دے دی ہے، جن میں اقوامِ متحدہ، برطانیہ، افغانستان، یورپ اور دیگر اہم ممالک میں نئی تعیناتیاں شامل ہیں۔
وزارتِ خارجہ کے ترجمان طاہر حسین اندرابی کو پاکستان کا اقوامِ متحدہ میں مستقل نمائندہ (جنیوا) مقرر کر دیا گیا ہے۔ ان کی تقرری کو ایک اہم سفارتی پیش رفت قرار دیا جا رہا ہے۔
برطانیہ کے لیے نیا ہائی کمشنر
اس رد و بدل کے تحت کیپٹن (ر) عثمان ٹِیپو کو پاکستان کا نیا ہائی کمشنر برائے برطانیہ نامزد کیا گیا ہے۔ وہ ڈاکٹر فیصل کی جگہ ذمہ داریاں سنبھالیں گے، جو ستمبر میں متوقع طور پر موجودہ سیکرٹری خارجہ آمنہ بلوچ کی ریٹائرمنٹ کے بعد اس عہدے کے مضبوط امیدوار سمجھے جا رہے ہیں۔
دیگر اہم تقرریاں اور تبادلے
وزیراعظم کی منظوری سے بلال احمد کو جنیوا میں اقوامِ متحدہ کے مشن سے سعودی عرب تعینات کر دیا گیا۔ احمد فاروق کو واپس اسلام آباد طلب کر لیا گیا جبکہ مدثر ٹِیپو کو ایران سے ازبکستان منتقل کیا گیا۔
افغانستان، یورپ اور ایشیا میں نئے سفیر
ڈاکٹر سید اسد علی گیلانی → پاکستان کے سفیر برائے افغانستان
عبیدالرحمٰن نظامانی → سفیر برائے سویڈن
سلمان (وزیراعظم آفس سے) → سفیر برائے جرمنی
ثانیہ افضل قاضی → سفیر برائے تھائی لینڈ
دیگر نمایاں سفارتی تعیناتیاں
عاصم علی خان → سفیر برائے ناروے
سراج احمد خان → قونصل جنرل، لاس اینجلس
اسد شہزاد → سفیر برائے یوگنڈا
محمد فیصل ابڑو → قونصل جنرل، مونٹریال
میڈیا رپورٹس کے مطابق خلیل ہاشمی (سفیر برائے چین)، علی جاوید (سفیر برائے اٹلی)، جبکہ عامر آفتاب قریشی (سفیر برائے یونان) کو مدت ملازمت میں توسیع دیدی گئی ہے۔
