ڈپٹی وزیراعظم اور وزیر خارجہ سینٹر محمد اسحاق ڈار نے امریکی چارج ڈی افیئرز نٹالی بیکر سے ملاقات کی، جس میں دوطرفہ تعلقات، تعاون اور خطے میں امن و تحفظ کے لیے مشترکہ اقدامات پر بات چیت کی گئی۔
ملاقات کے دوران دونوں رہنماؤں نے دوطرفہ تعلقات کے مختلف پہلوؤں اور مشترکہ مفادات کے شعبوں میں تعاون کو مزید مضبوط بنانے پر زور دیا۔
ڈپٹی وزیراعظم نے خطے میں امن و تحفظ کے لیے مشترکہ کوششوں کی اہمیت کو اجاگر کیا اور اعلیٰ سطحی مشاورت کے ذریعے تعلقات کو مضبوط بنانے کی ضرورت پر زور دیا۔
یہ بھی پڑھیں:اسحاق ڈار کی زیر صدارت او آئی سی وزارتی کانفرنس برائے خواتین کی تیاریوں کا جائزہ اجلاس
اسحاق ڈار نے تعلقات میں موجود حالیہ مثبت پیشرفت کو سراہا اور کہا کہ دونوں ممالک کے درمیان باہمی دلچسپی کے شعبوں میں تعاون کو بڑھانے کے لیے مسلسل رابطے ضروری ہیں۔
