پاکستان اور بھارت کے درمیان ٹی20 ورلڈ کپ کا میچ 15 فروری کو کولمبو میں کھیلا جائےگا، جسے دیکھنے کے لیے شائقین کرکٹ بے تاب ہیں، اور ملک میں مختلف مقامات پر بڑی اسکرینیں لگانے کا انتظام کیا گیا ہے۔
مزید پڑھیں: بھارت کے خلاف ٹی 20 میں بابر اعظم کا ریکارڈ کیا ہے؟ اہم ٹاکرے سے قبل اعداد و شمار سامنے آگئے
شہر قائد کراچی میں بھی مختلف مقامات پر اسکرینیں لگانے کا انتظام کیا گیا ہے، تاکہ شائقین کرکٹ پاکستان اور بھارت کے درمیان میچ سے لطف اندوز ہو سکیں۔
شہر بھر میں جوش و خروش عروج پر ہے اور شائقین کرکٹ کو اس بڑے مقابلے کا انتظار ہے، جو اتوار کی شام 7 بجے سری لنکا میں کھیلا جائےگا۔
کراچی میں کن مقامات پر میچ اسکرینز پر دیکھا جا سکے گا؟
اگر آپ بڑی اسکرین پر میچ دیکھنا چاہتے ہیں تو شہر قائد کے مختلف مقامات کی فہرست سامنے آگئی ہے۔ تاہم زیادہ تر مقامات پر صرف فیملیز کو داخلے کی اجازت ہوگی۔
• سفاری پارک: مفت داخلہ، صرف فیملیز کے لیے
• آرٹس کونسل کراچی: اے سی پی ممبران اور ان کی فیملیز کے لیے مفت داخلہ (ممبرشپ کارڈ لازمی)
• پی سی ہوٹل
• الحبیب ریسٹورنٹ
• چوپال
• ہیبٹ سٹی
• کراچی چڑیا گھر: صرف فیملیز کے لیے
• سفاری پارک: صرف فیملیز کے لیے
مزید پڑھیں: ٹی20 ورلڈ کپ میں پاکستان بھارت ٹاکرے سے قبل ہینڈشیک تنازع دوبارہ زیر بحث
واضح رہے کہ پاکستان نے پہلے بھارت کے ساتھ گروپ مرحلے کے میچ کا بائیکاٹ کردیا تھا، تاہم آئی سی سی کے ساتھ مذاکرات کے بعد میچ کھیلنے کا فیصلہ کیا گیا ہے۔
