عمران خان کو تمام سہولیات میسر، اب تو خیبرپختونخوا کے لوگوں کو ایمبولنس میں مت مارو، عظمیٰ بخاری

پنجاب کی وزیر اطلاعات و ثقافت عظمیٰ بخاری نے ایکس پوسٹ میں کہا ہے کہ عمران خان کو جیل میں تمام سہولیات میسر ہیں، ان کی پارٹی کو اب راستے کھول لینے چاہئیں۔

اپنی ایک ایکس پوسٹ میں انہوں نے کہا کہ عمران خان کی ایک آنکھ 6/9 اور دوسری آنکھ 6/6 ہے اور انہیں جیل میں تمام ضروری سہولیات میسر ہیں۔ انہوں نے مزید کہا کہ حتیٰ کہ گھڑی اور اس کی سوئیاں بھی واضح طور پر دکھائی دے رہی ہیں۔

یہ بھی پڑھیے: عمران خان کو جیل میں کیا سہولیات میسر ہیں؟ تفصیلات پہلی بار منظرعام پر آگئیں

عظمیٰ بخاری نے تحریک انصاف کے لیے سخت زبان استعمال کرتے ہوئے زور دیا کہ اب تو راستے بند کرکے خیبرپختوںخوا کے لوگوں کو ایمبولینس میں نہ مارا جائے۔

ایک آنکھ 6/9 دوسری 6/6 ہے ،یہ سب سہولتیں بھی حاصل ہیں،گھڑی اور اسکی سوئیاں بھی دکھ رہی ہیں،اب تو خیبر پختونخواہ کے لوگوں کو ایمبولینس میں مت مارو،بے حس بے شرم فتنہ پارٹی https://t.co/wF4k2o7jQV pic.twitter.com/R7gkJJVn7a

— Azma Zahid Bokhari (@AzmaBokhariPMLN) February 17, 2026

انہوں نے عمران خان کو جیل میں دستیاب سہولیات کے بارے میں میڈیا پر آنے والی تفصیلات اور ایک ویڈیو بھی شیئر کی جس میں خیبرپختونخوا میں موٹروے بند ہونے سے مریضوں کو درپیش مشکلات دیکھی جاسکتی ہیں۔