سینیئر صحافی طلعت حسین نے سوشل میڈیا پلیٹ فارم ’ایکس‘ پر ایک بیان میں دعویٰ کیا ہے کہ علیمہ خان کی پاکستان تحریک انصاف (پی ٹی آئی) کی قیادت سنبھالنے کی خواہش اپنے عروج کے قریب پہنچ چکی ہے۔
طلعت حسین نے لکھا کہ علیمہ خان کے نزدیک عمران خان کی صحت کا معاملہ اقتدار سنبھالنے کا راستہ بن سکتا ہے۔ انہوں نے دعویٰ کیا کہ وہ اپنے مقصد کے حصول کے لیے کسی کو بھی نظرانداز کر سکتی ہیں، تاہم ان کے بقول پارٹی کے اندر بہت سے لوگ ان کے ارادوں سے آگاہ ہیں اور ان کے بیانیے کو قبول نہیں کر رہے۔
یہ بھی پڑھیے: عمران خان کو دو بار ڈیل کی پیشکش؟ رانا ثناء اللہ کا بڑا دعویٰ، علی امین اور علیمہ خان آمنے سامنے
انہوں نے مزید کہا کہ علیمہ خان کے پاس عملی سیاست میں کھڑے ہونے کے لیے مضبوط بنیاد موجود نہیں۔
واضح رہے کہ اس سے قبل علیمہ خان نے ایک انٹرویو میں کہا تھا کہ انہوں نے بعض پی ٹی آئی رہنماؤں سے واضح طور پر کہہ دیا ہے کہ اگر وہ ’لڑنا نہیں چاہتے تو سائیڈ پر ہو جائیں‘۔
Aleema’s ambition to take over the PTI is nearing culmination point. To her Imran’s health is the way to capture the throne. She will trample upon everyone to get to the goal post. Her problem? Everyone can see through her. Nobody buys her bleeding heart for Imran narrative. And…
— Syed Talat Hussain (@TalatHussain12) February 20, 2026
ایک سوال کے جواب میں کہ کچھ رہنما ان کے بیانات سے نالاں ہیں اور سمجھتے ہیں کہ وہ سیاسی معاملات میں مداخلت کر رہی ہیں، وہ صرف عمران خان کے پیغام رساں ہیں۔ ان کے مطابق علی امین گنڈاپور کے استعفے سے متعلق کوئی پیغام ان کے ذریعے نہیں بھیجا گیا بلکہ عمران خان نے یہ بات جیل میں میڈیا سے خود کہی تھی۔
یہ بھی پڑھیے: علیمہ خان ڈیل کا کیا بنا؟ کیا رانا ثنا اللہ پی ٹی آئی سے کوئی کھیل کھیل رہے ہیں؟
انہوں نے مزید کہا کہ جو باتیں کچھ لوگ عمران خان کو براہِ راست نہیں کہہ سکتے، وہ ان کے خاندان کو کہہ دیتے ہیں۔ ان کے مطابق اگر کسی کو واقعی عمران خان کی صحت کی فکر ہوتی تو وہ ان کے رویوں سے ظاہر ہو جاتی۔
