جسٹس ثمن رفعت امتیاز کی اسلام آباد ہائیکورٹ میں تعیناتی کے نوٹیفکیشن کیخلاف دائر درخواست کے قابلِ سماعت ہونے سے متعلق فیصلہ محفوظ کرلیا۔
درخواست کی سماعت جسٹس ارباب محمد طاہر نے کی، دورانِ سماعت درخواست گزار وکیل کلثوم خالق ذاتی حیثیت میں عدالت کے روبرو پیش ہوئیں۔
یہ بھی پڑھیں: ججز کی تعیناتی کے لیے عدلیہ سے مشاورت لازمی قرار، اسلام آباد ہائیکورٹ نے اہم فیصلہ سنا دیا
سماعت کے موقع پر جسٹس ارباب محمد طاہر نے ریمارکس دیے کہ اس نوعیت کے معاملات سپریم جوڈیشل کونسل کے دائرہ اختیار میں آتے ہیں اور درخواست گزار کو وہاں رجوع کرنا چاہیے۔
اس پر درخواست گزار وکیل نے مؤقف اختیار کیا کہ سپریم جوڈیشل کونسل میں پہلے ہی درخواست دائر کی جاچکی ہے اور نوٹس بھی جاری ہوچکے ہیں۔
عدالت نے اس موقع پر یہ بھی نشاندہی کی کہ اس درخواست پر رجسٹرار آفس کی جانب سے اعتراض عائد کیا گیا ہے۔
مزید پڑھیں: سابق سی ای او پی آئی اے سے منسلک تنازع، اسلام آباد ہائیکورٹ نے سنگل بینچ کا فیصلہ معطل کردیا
جس پر جسٹس ارباب محمد طاہر نے کہا کہ اعتراضات کا جائزہ لے کر مناسب حکم جاری کیا جائے گا۔
بعد ازاں عدالت نے درخواست کے قابلِ سماعت ہونے سے متعلق فیصلہ محفوظ کرلیا، جو بعد میں سنایا جائے گا۔
