سیکیورٹیز اینڈ ایکسچینج کمیشن آف پاکستان (ایس ای سی پی) نے بڑے پیمانے پر غیر ملکی کمپنیوں کے پاکستان چھوڑنے سے متعلق خبروں کو مسترد کرتے ہوئے وضاحت کی ہے کہ 2022 سے 2025 کے دوران صرف 19 غیر ملکی کمپنیوں نے کام بند کیا، جبکہ اسی مدت میں 79 نئی غیر ملکی کمپنیاں رجسٹر ہوئیں۔
مزید پڑھیں: چیئرمین ایس ای سی پی کی نائب وزیراعظم سے ملاقات، مالیاتی منڈیوں کے فروغ پر تبادلۂ خیال
ایس ای سی پی کے مطابق ’125 کمپنیوں کے انخلا‘ کا حوالہ دراصل 1977 سے اب تک کی مجموعی بندشوں پر مبنی ہے، نہ کہ گزشتہ 3 برسوں پر۔
ادارے نے بتایا کہ گزشتہ ایک ماہ کے دوران 82 مقامی کمپنیوں میں غیر ملکی سرمایہ کاری ریکارڈ کی گئی، جس میں چین، امریکا، برطانیہ، جرمنی، آسٹریلیا، ترکی، جنوبی کوریا اور اسپین سمیت مختلف ممالک شامل ہیں۔
مزید پڑھیں:ڈاکٹر کبیر احمد سدھو چیئرمین ایس ای سی پی مقرر، نوٹیفکیشن جاری
فروری 2026 تک ایس ای سی پی کے ساتھ 1,157 غیر ملکی کمپنیاں رجسٹرڈ ہیں، جو پاکستان کے کارپوریٹ شعبے میں بین الاقوامی موجودگی اور سرمایہ کاروں کے اعتماد کی عکاسی کرتی ہیں۔
