کراچی میں امریکی قونصل خانے کے قریب پیش آنے والا افسوسناک واقعہ ایک بار پھر یاد دہانی کراتا ہے کہ پرتشدد ردعمل ہمیشہ اپنے ہی لوگوں کو نقصان پہنچاتا ہے۔ اس سانحے میں 6 شہری اور 3 پولیس اہلکار جان کی بازی ہار گئے جبکہ 10 افراد زخمی ہوئے، جو قومی نقصان کے مترادف ہے۔
مزید پڑھیں: ایران اسرائیل جنگ: خلیجی ممالک کی فضائی حدود بند، پروازیں معطل، مسافروں کو ہدایات جاری
حکام نے کہا کہ ریاستی اداروں اور سیکیورٹی اہلکاروں کو نشانہ بنانا یا انہیں غیر ضروری دباؤ میں ڈالنا ملک کے اندرونی استحکام کو کمزور کرتا ہے۔ ایسے نازک حالات میں ہر شہری کی ذمہ داری ہے کہ وہ اپنے جذبات پر قابو رکھے اور اشتعال انگیزی سے بچیں۔
مزید پڑھیں: پاکستان نے ایران کی حمایت میں تحمل اور پرامن رویہ اپنانے کی اپیل کر دی
احتجاج ہر شہری کا حق ہے، لیکن اسے ہر صورت پُرامن اور قانون کے دائرے میں رہ کر کرنا چاہیے تاکہ کسی قسم کی بدامنی یا مزید جانی نقصان نہ ہو۔ حکومت اور سیکیورٹی اداروں کا کہنا ہے کہ قومی اتحاد، نظم و ضبط اور استحکام ہی اس وقت پاکستان کی اصل طاقت ہیں۔
