امریکا کے وفاقی تحقیقاتی ادارے ایف بی آئی نے بنگلہ دیش کے 28 سالہ شہری زویدل امین کو گرفتار کر لیا ہے، جو 2022 سے ایک بین الاقوامی بچوں کے جنسی استحصال کے نیٹ ورک چلانے کے الزامات کے تحت مطلوب تھا۔
حکام کے مطابق اسے ملائیشیا میں گرفتار کیا گیا۔
ایف بی آئی کے مطابق زویدل امین کو ملائیشین حکام کی مدد سے حراست میں لیا گیا اور بعد ازاں ایف بی آئی کے اینکریج دفتر کے ذریعے ملائیشیا سے امریکی ریاست الاسکا منتقل کیا گیا
وہ جمعرات کی رات الاسکا پہنچ گیا جہاں اسے امریکی عدالت میں الزامات کا سامنا کرنا ہوگا۔
حکام کا کہنا ہے کہ یہ گرفتاری ایف بی آئی کے کوالالمپور میں قائم بین الاقوامی رابطہ دفتر، ملائیشیا کی حکومت اور تحقیقات میں شامل کئی مقامی شراکت داروں کے درمیان تعاون کے نتیجے میں ممکن ہوئی۔
ایف بی آئی نے ملائیشین حکام اور دیگر شراکت دار اداروں کا شکریہ ادا کرتے ہوئے کہا ہے کہ ملزم کی تلاش اور گرفتاری میں ان کا اہم کردار رہا.
کیس سے متعلق مزید تفصیلات قانونی کارروائی شروع ہونے کے بعد جاری کیے جانے کا امکان ہے۔
