بلوچستان کے ضلع مستونگ میں ٹریفک حادثے میں 5 افراد جاں بحق 6 زخمی ہو گئے ہیں۔
بلوچستان کے ضلع مستونگ میں پولیس حکام کا کہنا ہے کہ بلوچستان کے ضلع مستونگ کے قریب قومی شاہراہ پر جنگل کراس کے مقام پر جمعرات کو مسافر ویگن اور کوچ میں خوفناک تصادم ہوا۔
خوفناک تصادم کی صورت میں ایک خاتون سمیت 5 افراد جاں بحق جبکہ 6 افراد زخمی ہوئے۔
پولیس کا کہنا ہے کہ واقعہ کے فوراً بعد امدادی ٹیمیں جائے حادثہ پر پہنچ گئیں تھیں، جہاں سے جاں بحق افراد کی لاشیں اور زخمی افراد کو مستونگ کے شہید نواب غوث بخش رئیسانی ہسپتال منتقل کیا گیا۔ جہاں جاں بحق افراد کی شناخت کر کے انہیں ورثا کے حوالے کیا گیا جب کہ زخمیوں کو طبی امداد دی جا رہی ہے۔
پولیس کے مطابق حادثہ کوئٹہ سے خضدار جانیوالی مسافر ویگن اور مستونگ سے کوئٹہ جانیوالی کوچ کے درمیان ہوا جب کہ ڈرائیوروں کی غفلت اور تیزرفتاری حادثے کا سبب بنی۔
پولیس کا مزید کہناہے کہ جاں بحق افراد کا تعلق مستونگ، کوئٹہ، جعفرآباد اور قلعہ عبداللہ جبکہ زخمیوں کا تعلق خضدار سے ہے۔
