مدینہ منورہ میں مسجدِ نبویؐ میں اعتکاف کرنے والوں کے لیے قرآنِ کریم کی تلاوت اور دورِ قرآن کا خصوصی پروگرام شروع کر دیا گیا ہے۔
دو مقدس مساجد کے امور کی نگران صدارت نے اعلان کیا ہے کہ یہ پروگرام رمضان المبارک کے دوران جاری تعلیمی اور آگاہی مہمات کا حصہ ہے.
’جس کا مقصد عبادت گزاروں کا قرآنِ کریم کے ساتھ تعلق مزید مضبوط بنانا ہے۔‘
یہ بھی پڑھیں: مدینہ منورہ: عمرہ زائرین میں 2 لاکھ 40 ہزار قرآن پاک کے نسخوں کی تقسیم
اس پروگرام کے ذریعے اعتکاف میں بیٹھنے والے افراد کو قرآنِ کریم کی اپنی حفظ شدہ آیات کا اعادہ کرنے اور ماہرین کی نگرانی میں تلاوت کو بہتر بنانے کا موقع فراہم کیا جائے گا۔
اس پروگرام کے ذریعے مسجدِ نبویؐ کے اندر روحانی اور علمی ماحول کو مزید فروغ دینا ہے۔
ادارے نے پروگرام میں شرکت کے خواہش مند افراد کو آن لائن رجسٹریشن کی دعوت بھی دی ہے۔
دوسری جانب وزارتِ اسلامی امور نے مدینہ منورہ کی بڑی مساجد میں خواتین کے لیے جامع خدمات کا نظام بھی نافذ کر دیا ہے۔
مزید پڑھین: کجھور کے بارے میں چند دلچسپ حقائق، جن کا جاننا بہت ضروری ہے
اس نظام کے تحت مسجد الخندق، مسجد سید الشہدا اور مسجد قبلتین سمیت اہم مساجد میں خصوصی انتظامات کیے گئے ہیں۔
مسجدِ نبویؐ کے مرکزی علاقے اور اس کے اطراف قائم اس نظام کے تحت تربیت یافتہ خواتین عملہ تعینات کیا گیا ہے۔
جو عبادت گزار خواتین کو دینی رہنمائی، انتظامی معاونت اور محفوظ ماحول فراہم کرے گا۔
