پاکستان کا مقبول ڈرامہ ’میری زندگی ہے تو‘ بھارت میں بے پناہ مقبولیت حاصل کر چکا ہے اور یوٹیوب پر ایک ارب ویوز کے ہندسے کو عبور کرنے والا پہلا پاکستانی ڈرامہ بن گیا ہے۔
ڈرامے کی کامیابی کی بڑی وجہ مرکزی جوڑی بلال عباس خان جو کامیار کا کردار نبھا رہے ہیں اور ہانیہ عامر جو ڈاکٹر آئرہ کا کردار ادا کر رہی ہیں ان کے درمیان شاندار آن اسکرین کیمسٹری کو قرار دیا جا رہا ہے جس نے ناظرین کی دلچسپی برقرار رکھنے میں اہم کردار ادا کیا۔
میڈیا رپورٹس کے مطابق یہ ڈرامہ بھارت میں یوٹیوب پر نشر ہوتے ہوئے ایک ارب ویوز حاصل کرنے والا پہلا پاکستانی ڈرامہ بن گیا ہے جو اس کی بڑھتی ہوئی مقبولیت اور شائقین کے جوش کا ثبوت ہے۔
واضح رہے کہ ’میری زندگی ہے تو‘ کی آخری سے پہلے والی قسط اس ہفتے ہفتہ 14 مارچ کو نشر کی جائے گی۔
