وزیراعظم پاکستان میاں محمد شہباز شریف سرکاری دورے پر سعودی عرب کے شہر جدہ پہنچ گئے، جہاں شاہ عبدالعزیز انٹرنیشنل ایئرپورٹ پر اعلیٰ سعودی حکام اور پاکستان کے سفیر نے ان کا استقبال کیا۔
جدہ ایئرپورٹ پر اعلیٰ سطح کا استقبال
سعودی پریس ایجنسی (ایس پی اے) کے مطابق پاکستانی وزیراعظم محمد شہباز شریف جمعرات کو جدہ پہنچے، جہاں شاہ عبدالعزیز انٹرنیشنل ایئرپورٹ پر مکہ مکرمہ ریجن کے نائب گورنر شہزادہ سعود بن مشعل بن عبدالعزیز نے ان کا استقبال کیا۔
یہ بھی پڑھیں:پاکستان اور سعودی عرب کے درمیان مالیاتی اور توانائی کے شعبوں میں تعاون کے فروغ پر اتفاق
اس موقع پر سعودی وزیر ماحولیات، پانی و زراعت عبدالرحمان الفضلی، پاکستان میں سعودی عرب کے سفیر نواف المالکی، سعودی عرب میں پاکستان کے سفیر احمد فاروق اور دونوں ممالک کے دیگر اعلیٰ حکام بھی موجود تھے۔
