پنجاب حکومت نے اپنے جہاز کو تکنیکی معائنے کے لیے ویانا روانہ کیا ہے، جس کے بارے میں بعض حلقوں میں جاری قیاس آرائیوں کو وزارت اطلاعات نے مسترد کر دیا ہے۔
پنجاب حکومت کا جہاز تکنیکی معائنہ کے لیے ویانا گیا ہے جس کے بارے میں جاری قیاس آرائیاں نہ صرف حقائق کے برعکس ہیں بلکہ افسوسناک بھی ہیں۔ ایک متعین مدت میں جہاز کا تکنیکی معائنہ کنٹریکٹ کا حصہ ہوتا ہے۔ معمول کے معائنے پر بے پر کی اڑانے والوں کو بامقصد کاموں پر توجہ دینے کی ضرورت…
— Azma Zahid Bokhari (@AzmaBokhariPMLN) March 12, 2026
وزیر اطلاعات پنجاب عظمیٰ بخاری نے ٹوئٹ میں کہا کہ جہاز کا تکنیکی معائنہ متعین مدت میں کنٹریکٹ کا حصہ ہوتا ہے اور یہ ایک معمول کا عمل ہے۔ انہوں نے واضح کیا کہ اس حوالے سے جو افواہیں پھیلائی جا رہی ہیں وہ حقائق کے برعکس اور غیر ضروری ہیں۔ عظمیٰ بخاری نے عوام اور میڈیا سے اپیل کی کہ بے بنیاد قیاس آرائیوں کے بجائے اہم اور بامقصد کاموں پر توجہ دی جائے۔
