پاکستان نے افغان طالبان کی جانب سے خیبرپختونخوا کے ضلع وانا میں کامیاب حملے کا دعویٰ مسترد کردیا۔
وزارت اطلاعات و نشریات کے مطابق افغان طالبان کی نام نہاد وزارت دفاع کی جانب سے کہا گیا ہے کہ وانا میں کامیاب حملہ کیا گیا ہے، جس میں کوئی صداقت نہیں۔
🔎 Fact Check | Ministry of Information & Broadcasting
🟠 Claim (circulated by @MoDAfghanistan2):
Afghan Taliban’s so-called Ministry of Defence has claimed a successful strike in Wana.
✅ Reality
◼️ The fact is that a rudimentary drone was destroyed over South Waziristan… pic.twitter.com/7s1zgtwUsV
— Fact Checker MoIB (@FactCheckerMoIB) March 15, 2026
بیان میں کہا گیا ہے کہ جنوبی وزیرستان میں ایک ڈرون کو تباہ کردیا گیا جس سے کسی فوجی تنصیب یا انفراسٹرکچر کو نقصان نہیں پہنچا۔
وزارت اطلاعات کے مطابق طالبان حکومت کے اس دعوے سے ظاہر ہوتا ہے کہ وہ مسلسل پروپیگنڈا اور جھوٹے دعوے پھیلا رہی ہے، جیسا کہ حال ہی میں پاکستان ایئر فورس کے طیارے گرانے اور پائلٹس کو گرفتار کرنے کے جھوٹے دعوے کیے گئے تھے، لہذا ان پر اعتماد نہیں کیا جا سکتا۔
بیان کے مطابق ڈرون کی تصویر اور ویڈیو کلپ منسلک ہے، اور اس واقعے سے یہ واضح ہوتا ہے کہ حقیقت ہمیشہ جھوٹ پر غالب رہتی ہے۔
واضح رہے کہ افواج پاکستان کا افغان طالبان کے خلاف آپریشن غضب للحق جاری ہے، اور اب تک کی گئی کارروائیوں میں 684 دہشتگرد ہلاک ہوگئے ہیں۔
