لاہور کے مصروف اور تاریخی اچھرہ بازار میں عید کی خریداری کے لیے آنے والے شہریوں کو لوٹنے والی 2 خواتین کو پولیس نے گرفتار کر لیا ہے۔
پولیس ترجمان کے مطابق گرفتار ہونے والی خواتین کی شناخت صائمہ اور نیلم کے نام سے ہوئی ہے۔
یہ بھی پڑھیں: سحری کے بعد گھر لوٹنے والے خاندان پر ڈاکوؤں کا دھاوا، لاہور میں سال کی سب سے بڑی ڈکیتی
دونوں خواتین بازار میں خریداری کے لیے آنے والے لوگوں کے رش کا فائدہ اٹھا کر شہریوں کی جیبیں کاٹنے اور پرس چوری کرنے میں ملوث تھیں۔
پولیس کا کہنا ہے کہ کارروائی کے دوران ملزمان کے قبضے سے متعدد پرس اور دیگر سامان بھی برآمد کیا گیا ہے۔
مزید پڑھیں: ٹریفک پولیس لاہورمیں جدید پولیسنگ کی جانب قدم، نیا یونیفارم اور ون ایپ لانچ
ترجمان پولیس کے مطابق دونوں خواتین کے خلاف مقدمہ درج کر کے مزید تفتیش کا آغاز کر دیا گیا ہے۔
پولیس یہ بھی معلوم کرنے کی کوشش کررہی ہے کہ آیا وہ کسی بڑے گروہ کے ساتھ مل کر ان وارداتوں میں تو ملوث نہیں۔
