معروف یوٹیوبر رجب بٹ نے اپنی اہلیہ ایمان فاطمہ کو طلاق کا قانونی نوٹس بھجوا دیا ہے جس کے بعد سوشل میڈیا پر اس معاملے نے نئی بحث چھیڑ دی ہے۔ بعض حلقے ان کے درمیان صلح کی کوششیں کر رہے ہیں جن میں شیعہ عالم علامہ آصف رضا علوی بھی شامل ہیں۔
علامہ آصف رضا علوی نے اپنے سوشل میڈیا پیغامات میں کہا ہے کہ وہ نہیں چاہتے کہ رجب بٹ اور ایمان فاطمہ کی شادی ٹوٹے۔ ان کا کہنا ہے کہ وہ دونوں کے درمیان صلح کرانے کے لیے اپنا کردار ادا کریں گے اور جلد اس حوالے سے اچھی خبر سامنے آ سکتی ہے۔
ایمان فاطمہ کی قریبی دوست مسنا شبیر نے بھی اس حوالے سے بات کی ہے۔ ان کا کہنا تھا کہ علامہ آصف رضا علوی کی اجازت سے آپ کے ساتھ ایک پیغام شیئر کرنا چاہتی ہوں کہ لوگوں نے اس معاملے کو میم کانٹینٹ بنا کر رکھ دیا ہے لیکن اس میں 3 جانیں جڑی ہوئی ہیں۔
View this post on Instagram
انہوں نے مزید کہا کہ کوشش کریں کہ اگر آپ کسی کے ساتھ بھلائی نہیں کر سکتے تو برائی بھی نہ کریں۔ اس رشتے کو بہت سی دعاؤں کی ضرورت ہے۔
واضح رہے کہ قانونی نوٹس ملنے کے بعد ایمان فاطمہ نے تصویر شیئر کرتے ہوئے لکھا تھا کہ میں اس رشتے کو بچانے کے لیے خاموش رہی لیکن پہلے پوڈکاسٹ میں لگائے گئے جھوٹے الزامات، اور اب یہ قانونی نوٹس بھیج دیا گیا ہے۔
یہ بھی پڑھیں: ’میں رشتہ بچانے کے لیے خاموش رہی‘، رجب بٹ کے طلاق نوٹس پر ایمان فاطمہ بول اٹھیں
اپنے پیغام میں انہوں نے سوال اٹھاتے ہوئے کہا کہ میں صرف یہ پوچھنا چاہتی ہوں کہ اس سب میں میری اور میرے بیٹے کی کیا غلطی ہے؟ میرے پاس کہنے کو بہت کچھ ہے لیکن اس مقدس مہینے کے احترام میں میں اب بھی خاموشی اختیار کیے ہوئے ہوں۔
