سوئی سدرن گیس کمپنی لمیٹڈ (SSGC) نے عیدالفطر کے موقع پر اپنے صارفین کو مبارکباد پیش کرتے ہوئے گیس فراہمی کا شیڈول جاری کیا ہے۔ کمپنی نے یقین دلایا ہے کہ عید کے دوران گھریلو اور کمرشل صارفین کو بہتر پریشر اور متوازن گیس لائن پیک کے لیے تمام ضروری اقدامات کیے جائیں گے۔
مزید پڑھیں: قطر سے ایل این جی سپلائی متاثر، پاکستان میں گیس کے بحران کا خدشہ؟
گیس فراہمی کا شیڈول
چاند رات: گیس کی فراہمی بند نہیں ہوگی۔ پوری رات اور اگلے دن نصف شب 12 بجے تک گیس دستیاب رہے گی۔
عید کے پہلے اور دوسرے دن کی درمیانی رات: رات 12 بجے سے صبح 6 بجے تک گیس معطل ہوگی۔ صبح 6 بجے سے رات 12 بجے تک دستیاب ہوگی۔
عید کے دوسرے اور تیسرے دن کی درمیانی رات: رات 12 بجے سے صبح 6 بجے تک گیس بند رہے گی، صبح 6 بجے سے رات 12 بجے تک دستیاب ہوگی۔
عید کے تیسرے دن کے بعد: صبح 6 بجے سے رات 10 بجے تک گیس دستیاب ہوگی، اس کے بعد رمضان کے پہلے شیڈول کے مطابق رات 10 بجے سے صبح 5:30 تک گیس معطل رہے گی۔
مزید پڑھیں:صدر ٹرمپ کی بدولت امریکا سب سے بڑا تیل و گیس کا مالک ہے، امریکی ترجمان
صارفین کسی دشواری کی صورت میں 24 گھنٹے فعال ہیلپ لائن 1199 پر رابطہ کر سکتے ہیں۔
ڈپٹی جنرل منیجر کارپوریٹ کمیونیکیشنز، سلمان احمد صدیقی نے کہا کہ کمپنی کی مستعد ٹیم ہر وقت صارفین کی معاونت کے لیے تیار ہے۔
