وزیراعظم شہباز شریف نے ترکمانستان کے صدر سردار بردی محمدوف سے ٹیلیفونک رابطہ کیا اور انہیں اور ان کے عوام کو عیدالفطر کی دلی مبارکباد پیش کی۔
یہ بھی پڑھیں: پاکستان کس ملک کے ساتھ کتنی تجارت کرتا ہے؟
ترکمانستان کے صدر نے وزیراعظم کے پیغام کا پرتپاک جواب دیتے ہوئے پاکستانی عوام کے لیے بھی نیک تمناؤں کا اظہار کیا۔
گفتگو کے دوران دونوں رہنماؤں نے پاکستان اور ترکمانستان کے درمیان بڑھتے ہوئے دوطرفہ تعلقات پر اطمینان ظاہر کیا اور مختلف شعبوں میں تعاون کو مزید فروغ دینے کے عزم کا اعادہ کیا۔
تجارت، توانائی اور علاقائی روابط پر زور
رہنماؤں نے اس بات پر اتفاق کیا کہ تجارت، توانائی، علاقائی روابط اور ترقیاتی منصوبوں میں اشتراک کو وسعت دینا وقت کی اہم ضرورت ہے جس سے دونوں ممالک کے درمیان شراکت داری مزید مستحکم ہو سکتی ہے۔
مزید پڑھیے: وزیراعظم شہباز شریف کی ترکمانستان کے صدر سے ملاقات، دوطرفہ تعلقات کے فروغ پر اتفاق
دونوں جانب سے باہمی تعاون کو نئی بلندیوں تک لے جانے اور خطے میں ترقی و خوشحالی کے لیے مل کر کام کرنے کے عزم کا بھی اظہار کیا گیا۔
