معروف پاکستانی اداکارہ و میزبان فضا علی نے عیدالفطر کے موقع پر اپنی دوسری شادی کا اعلان کرتے ہوئے مداحوں کو خوشخبری دے دی۔ انہوں نے ایک سادہ اور نجی تقریب میں اعجاز خان سے نکاح کیا۔
عید کے دن شادی کا اعلان
فضا علی نے عیدالفطر کے پہلے روز اپنے انسٹاگرام اکاؤنٹ پر تصاویر شیئر کرتے ہوئے مداحوں کو اپنی نئی زندگی کے آغاز سے آگاہ کیا۔ تصاویر میں ان کے شوہر اور بیٹی بھی موجود ہیں، جس نے اس موقع کو مزید خاص بنا دیا۔
یہ بھی پڑھیے فضا علی کا ندا یاسر پر بالواسطہ الزام، طلاق سے متعلق بیان وائرل کرنے کا دعویٰ
سادہ مگر خوبصورت نکاح کی جھلکیاں
اداکارہ نے اپنی شادی کے بعد شیئر کی گئی تصاویر میں سیاہ رنگ کا نیم رسمی لباس زیب تن کیا، جس کے ساتھ بھورے رنگ کا خوبصورت کشیدہ کاری والا دوپٹہ اوڑھا ہوا تھا۔
View this post on Instagram
انہوں نے پھولوں سے سجا ہوا ہیڈ پیس اور ہلکی جیولری پہن رکھی تھی، جبکہ ان کے شوہر نے سفید پھولوں سے سجا انداز اپنایا۔ دونوں نے اپنے ہاتھوں پر مہندی سے ایک دوسرے کے نام بھی لکھوائے۔
’اللہ نے مجھے وہ خوشی دے دی جس کا انتظار تھا‘
فضا علی نے اپنے جذبات کا اظہار کرتے ہوئے لکھا کہ 41 سال کی عمر میں اللہ نے انہیں وہ محبت اور خوشی عطا کی جس کا وہ طویل عرصے سے انتظار کر رہی تھیں۔ انہوں نے کہا کہ آج انہیں اپنا جیون ساتھی مل گیا ہے۔
یہ بھی پڑھیے اب میں مسز اعجاز بھی ہوں، فضا علی کا رشتہ ازدواج سے منسلک ہوجانے کا اعلان
نام میں تبدیلی
اداکارہ نے بتایا کہ اب وہ صرف فضا علی نہیں بلکہ ’مسز اعجاز‘ بھی ہیں۔ نئی زندگی کے آغاز پر انہوں نے اپنے مداحوں سے دعاؤں کی درخواست بھی کی۔
یہ بھی پڑھیے فرال نے والد کی دوسری شادی کی تیاری کیوں کی؟ فضا علی کے ردعمل نے سب کو چونکا دیا
واضح رہے کہ اس سے قبل فضا علی کی شادی فواد فاروق سے 2007 میں ہوئی تھی جن سے ان کی ایک بیٹی فرال بھی ہے۔
