سعودی عرب میں عیدالفطر کی صبح ناشتے کی روایتی محفلیں خاندانوں، رشتہ داروں اور دوستوں کو ایک جگہ جمع کر کے خوشیوں، محبت اور میل جول کا خوبصورت منظر پیش کرتی ہیں۔
عید کے دن لوگ صبح سویرے ایک دوسرے کے گھروں میں جمع ہوتے ہیں، جہاں روایتی کھانوں سے سجی میزوں پر بیٹھ کر عید کی خوشیاں بانٹی جاتی ہیں اور مبارکباد کا تبادلہ کیا جاتا ہے۔
یہ بھی پڑھیے عید کی نماز سے پہلے کی روایات، سعودی معاشرے کی ثقافتی اور مذہبی زندگی کا اہم حصہ
مقامی ٹور گائیڈ سامی الحارثی کے مطابق عید کا ناشتہ خاص طور پر بچوں کے لیے بے حد پرکشش ہوتا ہے کیونکہ اس موقع پر انہیں عیدی ملتی ہے اور کھیل کود کے مواقع بھی میسر آتے ہیں۔
علاقوں کے مطابق روایات میں تنوع
انہوں نے بتایا کہ سعودی عرب کے مختلف علاقوں میں عید کے ناشتے کے پکوان مختلف ہوتے ہیں۔ کہیں چاول اور گوشت کے روایتی کھانے تیار کیے جاتے ہیں تو کہیں مٹھائیاں، پیسٹری، سعودی قہوہ، کھجور، شہد، مکھن، عریکہ اور فتہ جیسی اشیاء نمایاں ہوتی ہیں۔
ثقافتی ورثے کی عکاسی
یہ روایت نہ صرف عید کی خوشیوں کو دوبالا کرتی ہے بلکہ معاشرے کی ثقافتی یادداشت اور روایات کو بھی زندہ رکھتی ہے، جہاں اجتماعی خوشی اور اپنائیت کا اظہار کیا جاتا ہے۔
یہ بھی پڑھیے عیدالفطر: سعودی باشندے اپنے اہل خانہ کو زیادہ تر کون سا تحفہ دیتے ہیں؟
سامی الحارثی کے مطابق عید کا ناشتہ اس موقع کی روح کی عکاسی کرتا ہے اور معاشرے میں محبت، قربت اور خوشی کے جذبات کو فروغ دیتا ہے۔
