چین میں ایک شخص کی جانب سے اپنے پالتو کتے کو سائیکل کھینچنے کے لیے استعمال کرنے کا واقعہ سامنے آیا ہے، جس پر سوشل میڈیا صارفین کی جانب سے تنقید کی جارہی ہے۔
یہ بھی پڑھیں: بلیاں گھاس کیوں کھاتی ہیں؟ طویل تحقیق کے بعد حیران کن وجہ سامنے آگئی
رپورٹس کے مطابق ایک معمر شخص کو ایسی برقی سائیکل چلاتے دیکھا گیا جس کی بیٹری نکال دی گئی تھی اور اس کی جگہ ایک گولڈن ریٹریور نسل کا کتا رسی کے ذریعے سائیکل کے ساتھ باندھ کر دوڑایا جارہا تھا۔ کتے کے منہ پر پٹی بھی لگائی گئی تھی۔
عینی شاہدین کے مطابق مذکورہ شخص کے ہاتھ میں ایک چھڑی تھی جس سے وہ چلتے ہوئے کتے کو مارتا دکھائی دیا۔ مقامی ٹریفک پولیس نے کارروائی کرتے ہوئے اسے روک لیا اور عوامی سڑکوں پر غیر قانونی طور پر تبدیل شدہ گاڑی استعمال کرنے کے قانون کے تحت تنبیہ کی۔ تاہم اس کی عمر زیادہ ہونے کے باعث مزید کارروائی نہیں کی گئی۔
یہ بھی پڑھیں: گریٹ فالز میں موجود پراسرار سائیکلیں شہریوں کے لیے معمہ بن گئیں
حکام نے نہ تو شخص اور نہ ہی کتے کی شناخت ظاہر کی، جبکہ یہ بھی واضح نہیں ہو سکا کہ کتے کو کوئی چوٹ آئی یا نہیں۔
