وزیر تعلیم پنجاب رانا سکندر حیات نے اعلان کیا ہے کہ یکم اپریل سے اسکولوں میں تدریسی سرگرمیاں دوبارہ شروع ہو جائیں گی۔
Schools Will Be Open From The 1st Of April Inshallah 🙏❤️
— Rana Sikandar Hayat (@RanaSikandarH) March 25, 2026
اس سے قبل وزیر تعلیم نے اسکولوں کی چھٹیوں میں اضافے سے متعلق سوشل میڈیا پر گردش کرنے والی خبروں کو جعلی قرار دیتے ہوئے واضح کیا تھا کہ اس حوالے سے تاحال کوئی فیصلہ نہیں کیا گیا۔
انہوں نے عوام، والدین، طلبہ اور اساتذہ کو ہدایت کی کہ وہ غیر مصدقہ اطلاعات پر یقین نہ کریں اور صرف سرکاری و مستند ذرائع سے جاری معلومات پر ہی انحصار کریں۔
وزیر تعلیم نے خبردار کیاکہ سوشل میڈیا پر پھیلنے والی افواہیں گمراہ کن ہیں اور ان سے محتاط رہنا ضروری ہے۔
واضح رہے کہ اس سے قبل بھی موسم سرما کی چھٹیوں کے دوران اسی نوعیت کی افواہیں سامنے آئی تھیں، جنہیں متعدد بار غلط قرار دیا گیا تھا۔
