پاکستان کے وزیراعظم محمد شہباز شریف اور کویت کے ولی عہد شیخ صباح الخالد الحمد الصباح کے درمیان ٹیلیفونک رابطہ ہوا، جس میں مشرق وسطیٰ کی موجودہ صورتحال، دوطرفہ تعلقات اور امن کے قیام کے لیے سفارتی کوششوں پر تفصیلی گفتگو کی گئی۔
یہ بھی پڑھیں:مشرق وسطیٰ کشیدگی، اسحاق ڈار کا چینی ہم منصب سے رابطہ، امن کی بحالی اور استحکام پر اتفاق
وزیراعظم محمد شہباز شریف کو آج کویت کے ولی عہد شیخ صباح الخالد الحمد الصباح کی جانب سے ٹیلیفون کال موصول ہوئی۔ گفتگو خوشگوار اور باہمی احترام کے ماحول میں ہوئی، جس میں دونوں رہنماؤں نے خطے کی تازہ صورتحال پر تبادلہ خیال کیا۔
Islamabad: 27 March 2026
Telephone call between the Prime Minister and the Crown Prince of Kuwait.
Prime Minister Muhammad Shehbaz Sharif received a telephone call from His Highness Sheikh Sabah Al Khaled Al Hamad Al Sabah, Crown Prince of the State of Kuwait, today.
During… pic.twitter.com/HyuPoj3RfW
— Prime Minister's Office (@PakPMO) March 27, 2026
وزیراعظم نے کویت پر ہونے والے حملوں کی شدید مذمت کا اعادہ کرتے ہوئے کہا کہ پاکستان اس مشکل گھڑی میں کویتی عوام کے ساتھ مکمل یکجہتی اور حمایت کے ساتھ کھڑا ہے۔ انہوں نے قیمتی جانوں کے ضیاع پر دلی افسوس اور تعزیت کا اظہار کیا اور زخمیوں کی جلد صحت یابی کے لیے دعا بھی کی۔
وزیراعظم نے کویتی قیادت کو مشرق وسطیٰ میں جاری کشیدگی کے خاتمے کے لیے پاکستان کی مخلصانہ سفارتی کوششوں سے بھی آگاہ کیا اور خطے میں امن کے قیام کے عزم کو دہرایا۔
اس موقع پر کویت کے ولی عہد نے وزیراعظم شہباز شریف کی قیادت کو سراہتے ہوئے ایران اور امریکا کے درمیان ثالثی کے لیے پاکستان کی کوششوں کی مکمل حمایت کا اظہار کیا۔ انہوں نے موجودہ بحران میں کویت کے ساتھ پاکستان کی غیر متزلزل حمایت پر وزیراعظم کا شکریہ ادا کیا۔
یہ بھی پڑھیں:مشرق وسطیٰ میں کشیدگی، پاکستان نے امن کے قیام کے لیے متحرک اور مؤثر سفارتی کردار ادا کیا، امریکی اخبار
ولی عہد نے کویتی قیادت کے نام وزیراعظم کے حالیہ اظہارِ یکجہتی کے خط پر بھی اظہارِ تشکر کیا اور خواہش ظاہر کی کہ حالات بہتر ہوتے ہی وہ پاکستان کا دورہ کریں گے۔
وزیراعظم نے اس موقع پر ولی عہد کا شکریہ ادا کرتے ہوئے یقین دلایا کہ پاکستان خطے میں امن، استحکام اور باہمی تعاون کے فروغ کے لیے اپنا تعمیری کردار جاری رکھے گا۔
