اقوام متحدہ کے سیکریٹری جنرل انتونیو گوتریس نے ایران کے حوالے سے امریکی اور اسرائیلی تنازع کے تناظر میں پاکستان کی سفارتی کوششوں کو سراہا اور ان کی مکمل حمایت کا اعلان کیا۔
نائب وزیراعظم و وزیر خارجہ اسحاق ڈار سے ٹیلیفونک گفتگو میں انتونیو گوتریس نے کہاکہ پاکستان کی خطے میں امن و استحکام کے لیے جاری سفارتکاری اہم ہے اور اسے مکمل طور پر سراہا جاتا ہے۔
Great pleasure to speak tonight with the Secretary-General of the United Nations, António Guterres @antonioguterres.
We exchanged views on the evolving situation in the West Asia and its implications for international peace and security.
I underscored that the UN remains…
— Ishaq Dar (@MIshaqDar50) March 27, 2026
اس موقع پر اسحاق ڈار نے مشرق وسطیٰ کی موجودہ صورت حال اور عالمی امن پر اس کے اثرات پر بات کرتے ہوئے کہاکہ پاکستان خطے میں کشیدگی کم کرنے اور مسائل کے حل کے لیے سفارتکاری اور مکالمے کو واحد حل سمجھتا ہے۔
وزیر خارجہ نے اس بات پر بھی زور دیا کہ اقوام متحدہ تنازعات کی روک تھام اور حل میں ایک کلیدی کردار ادا کرتی ہے، اور پاکستان پائیدار امن کے لیے اپنے عزم پر قائم ہے۔
دوسری جانب پاکستان نے خطے میں بڑھتی کشیدگی کے پیش نظر اپنی سفارتی سرگرمیاں تیز کردی ہیں۔
اسحاق ڈار نے مصر اور ترکیہ کے وزرائے خارجہ سے بھی رابطے کیے ہیں، جبکہ 30 مارچ کو اسلام آباد میں ایک اہم سفارتی اجلاس ہونے کی توقع ہے۔
واضح رہے کہ پاکستان حالیہ امریکا، اسرائیل اور ایران کے تنازع میں ممکنہ ثالث کے طور پر سامنے آ رہا ہے اور مختلف ممالک کے ساتھ رابطوں کے ذریعے خطے میں کشیدگی کم کرنے کی کوششیں جاری رکھے ہوئے ہے۔
