ملک میں جیٹ فیول کی قیمتوں میں مسلسل اضافہ جاری ہے اور گزشتہ 28 دنوں کے دوران پانچویں مرتبہ نرخ بڑھا دیے گئے ہیں۔
کمرشل طیاروں کے لیے استعمال ہونے والے جیٹ فیول کی قیمت میں مزید 5 روپے فی لیٹر اضافہ کیا گیا ہے، جس کے بعد نئی قیمت بڑھ کر 476 روپے 97 پیسے کی بلند ترین سطح پر پہنچ گئی ہے۔
یکم مارچ سے اب تک جیٹ فیول کی فی لیٹر قیمت میں مجموعی طور پر 288 روپے کا ریکارڈ اضافہ ہو چکا ہے۔
یاد رہے کہ یکم مارچ کو جیٹ فیول کی قیمت 188 روپے فی لیٹر تھی۔
دوسری جانب حال ہی میں پی آئی اے کو خریدنے والے عارف حبیب گروپ کے سربراہ عارف حبیب نے کہا ہے کہ جیٹ فیول کی قیمتوں میں اضافہ جاری رہا تو پی آئی اے کو چلانا مشکل ہو جائےگا۔
