چندی گڑھ میں بھارتی جنتا پارٹی کے دفتر میں ایک بم دھماکہ ہوا ہے جس کے نتیجے میں دفتر مکمل طور پر تباہ ہو گیا۔
یہ بھی پڑھیں: بھارتی فوج کو پنجاب سے گزر کر پاکستان پر حملہ نہیں کرنے دیں گے، سکھ رہنما گرپتونت سنگھ
سیکیورٹی حکام نے فوری طور پر جائے حادثہ کو سیل کر دیا اور میڈیا کو جانی نقصان کی تفصیلات فراہم کرنے سے گریز کیا۔
دھماکے کے بعد علاقے میں افراتفری پھیل گئی اور شہری شدید خوف و ہراس کا شکار ہو گئے۔
مزید پڑھیے: بھارت میں پابندی کے باوجود کارپوریٹ فنڈنگ میں اضافہ، بی جے پی سب سے بڑی بینیفیشری
مقامی ذرائع کے مطابق دھماکہ درمیانی شدت کا تھا۔ ابھی تک کسی گروپ نے اس حملے کی ذمہ داری قبول نہیں کی۔
سیکیورٹی حکام کے مطابق ابتدائی شبہات میں سکھ علیحدگی پسند گروپس ملوث ہو سکتے ہیں۔
مزید پڑھیں: نیتن نبین بی جے پی کے 12ویں صدر مقرر، مودی کے بھارت میں جمہوریت نہیں وفاداری ہی کامیابی کی کنجی
بھارتی پنجاب میں خالصتان نواز گروہوں کے حملوں میں اضافہ دیکھا جا رہا ہے اور سیاسی ماہرین کا کہنا ہے کہ بھارتی حکام کی خالصتان تحریک کو تشدد سے کچلنے کی پالیسی ناکام ہو رہی ہے۔
