ایران کے وزیر خارجہ عباس عراقچی نے کہا ہے کہ امریکی میڈیا ایران کی پوزیشن کو غلط انداز میں پیش کر رہا ہے۔
سماجی رابطے کی سائٹ ایکس پر ایرانی عوام کی پاکستان سے محبت کے اظہار کی ویڈیو شیئر کرتے ہوئے اپنے بیان میں انہوں نے کہاکہ مشرق وسطیٰ میں امن کے لیے پاکستان کی کوششوں کے تہہ دل سے شکر گزار ہیں اور اسلام آباد جانے سے انکار نہیں کیا۔
Iran’s position is being misrepresented by U.S. media.
We are deeply grateful to Pakistan for its efforts and have never refused to go to Islamabad. What we care about are the terms of a conclusive and lasting END to the illegal war that is imposed on us.
پاکستان زنده باد pic.twitter.com/AUjBQxOFyA
— Seyed Abbas Araghchi (@araghchi) April 4, 2026
عباس عراقچی نے کہاکہ ایران کے لیے سب سے اہم بات وہ شرائط ہیں جو ایک غیر قانونی جنگ کے خاتمے کا نتیجہ خیز اور دیرپا حل فراہم کریں۔
انہوں نے مزید کہاکہ وہ اس مقصد کے حصول کے لیے کسی بھی مناسب صورت میں مذاکرات یا کسی بھی مثبت پیشرفت کے لیے تیار ہیں، بشرطیکہ وہ شرائط ایران کے لیے قابلِ قبول ہوں۔
اپنی ایکس پوسٹ کے آخر میں ایرانی وزیر خارجہ نے پاکستان زندہ باد بھی لکھا۔
واضح رہے کہ اس سے قبل امریکی میڈیا میں یہ خبر سامنے آئی تھی کہ ایران نے اسلام آباد میں امریکا کے ساتھ بات چیت سے انکار کردیا ہے، جس کے باعث مذاکراتی عمل ختم ہوگیا ہے۔
