پاکستان کی معروف ٹی وی میزبان اور اداکارہ فضا علی سوشل میڈیا پر متنازعہ بیانات اور آن اسکرین سرگرمیوں کی وجہ سے زیرِ بحث رہیں۔ انہوں نے عید پر نکاح کا اعلان کر کے اپنے شوہر اعجاز خان کو مداحوں سے متعارف کرایا تو جہاں کئی صارفین انہیں مبارکباد پیسش کی وہیں کچھ افراد نے ان کے بیانات اور ویڈیوز کی بنیاد پر انہیں تنقید کا نشانہ بنایا۔
حال ہی میں ٹک ٹاکر اور ہوسٹ روبی ملک نے ایک پوڈکاسٹ میں فضا علی کے شوہر اور ان کی شادی کی تفصیلات سے پردہ اٹھایا۔ روبی ملک کے مطابق فضا علی نے 45 سال کی عمر میں شادی کی اور ان کے شوہر اعجاز خان برطانیہ میں دو گیراج کے مالک ہیں۔ وہ پہلے سے شادی شدہ ہیں اور ان کے 3 بچے ہیں۔
روبی ملک نے مزید کہا کہ فضا علی اپنی عمر کے بارے میں 41 سال بتاتی ہیں تاہم ان کی اصل عمر 45 سے 48 سال کے درمیان ہے۔ روبی ملک نے بتایا کہ اعجاز خان گنجے اور موٹے تھے اور فضا علی نے نہ صرف ان کا ہیئر ٹرانسپلانٹ کروایا بلکہ وزن کم کرنے میں بھی ان کی رہنمائی کی، چونکہ فضا علی ماڈل ہیں اور اسٹائلنگ کا اچھا ذوق رکھتی ہیں اس لیے انہوں نے اپنے تیسرے شوہر کی ظاہری شکل پر بھی توجہ دی۔
یہ بھی پڑھیں: ’کیا اب ان کے شوہر بھی بیوی کا فراک پہنا کریں گے؟‘، شوہر کے کپڑے پہننے پر فضا علی پر تنقید
سوشل میڈیا صارفین نے روبی ملک کے تبصروں کی شدید مذمت کی ہے اور کہا کہ فضا علی نے نکاح کیا ہے اور یہ سنت ہے اس لیے ان پر تنقید نہیں کرنی چاہیے بلکہ انہیں اس اقدام پر سراہنا چاہیے۔
واضح رہے کہ فضا علی نے 2007 میں فواد فاروق سے شادی کی تھی اور دونوں کی ایک بیٹی بھی ہے۔ شادی کے 3 سال بعد دونوں کے درمیان طلاق ہوگئی تھی۔ بعد ازاں یہ خبریں سامنے آئی تھیں کہ مبینہ طور پر فضا علی نے 2018 میں کاروباری شخصیت ایاز ملک سے شادی کی تھی مگر یہ بھی زیادہ دن تک قائم نہ رہ سکی تھی۔
