جناح ہاؤس پر حملے میں ملوث پی ٹی آئی کے ایک اور شر پسند علی شان کی لاہور میں شناخت کر لی گئی ہے۔ ویڈیو میں دکھائی دینے والا پی ٹی آئی کا شرپسند علی شان ولد نور محمد ہے۔
قانون نافذ کرنے والے اداروں کے مطابق علی شان نے 9 مئی کو شرپسندوں کے ساتھ مل کر جناح ہاؤس لاہور میں قائد سے منسوب یادگاری نوادرات کو بری طرح نقصان پہنچایا تھا۔
ویڈیو میں واضح طور پر دیکھا جا سکتا ہے کہ شر پسند علی شان نے کس قدر بے دردی کے ساتھ جناح ہاؤس میں توڑ پھوڑ کی تھی۔ سانحہ 9 مئی میں ملوث دیگر شرپسندوں کی شناخت اور گرفتاریوں کا عمل تیزی سے جاری ہے، جنہیں قانون کے مطابق قرار واقعی سزا دی جائے گی۔
