پاک بحریہ نے اپنی دفاعی صلاحیتوں کا مظاہرہ کرتے ہوئے مقامی طور پر تیار کردہ اینٹی شپ بیلسٹک میزائل کا کامیاب تجربہ کر لیا۔ بحری جہاز سے فائر کیے گئے اس برق رفتار میزائل نے طویل فاصلے پر موجود ہدف کو انتہائی درستگی کے ساتھ نشانہ بنایا۔
پاک فوج کے شعبہ تعلقات عامہ (آئی ایس پی آر) کے مطابق نیول چیف ایڈمرل نوید اشرف، منصوبے سے وابستہ سائنسدانوں اور انجینئرز نے میزائل فائرنگ کا مشاہدہ کیا۔ جدید گائیڈنس سسٹم سے لیس یہ میزائل دشمن کے دفاعی نظام کو چکمہ دیتے ہوئے اپنے ہدف کو کامیابی سے نشانہ بنانے کی صلاحیت رکھتا ہے۔
In a resolute display of preparedness and precision-strike capability, Pakistan Navy successfully conducted a Live Weapon Firing of an indigenously developed Ship-Launched Anti-Ship Missile, accurately engaging its target with high speed at extended range.@azamshaam @KulAalam pic.twitter.com/Shjjpn4fzn
— Media Talk (@mediatalk922) April 16, 2026
آئی ایس پی آر کا کہنا ہے کہ مقامی سطح پر تیار کردہ اس میزائل کا کامیاب تجربہ پاک بحریہ کی تکنیکی مہارت اور دفاعی خود انحصاری کا واضح ثبوت ہے۔ یہ کامیابی خطے میں بحری سلامتی اور استحکام کو یقینی بنانے کے عزم کی بھی عکاسی کرتی ہے۔
صدر پاکستان، وزیراعظم، چیئرمین جوائنٹ چیفس آف اسٹاف کمیٹی اور تینوں مسلح افواج کے سربراہان نے اس اہم کامیابی پر سائنسدانوں اور شریک یونٹس کو مبارکباد پیش کی ہے۔
