انطالیہ ڈپلومیسی فورم کے موقع پر پاکستان اور ترک جمہوریہ شمالی قبرص کے وزرائے خارجہ کی ملاقات میں دوطرفہ تعاون بڑھانے اور پاکستانی کمیونٹی کی فلاح پر توجہ دینے پر اتفاق کیا گیا۔
پاکستان کے نائب وزیر اعظم، وزیر خارجہ سینیٹر اسحاق ڈار نے انطالیہ ڈپلومیسی فورم کے موقع پر ترک جمہوریہ شمالی قبرص کے وزیر خارجہ تحسین ارطغرل اوغلو سے ملاقات کی، جس میں دوطرفہ تعلقات اور تعاون کے فروغ پر تبادلہ خیال کیا گیا۔
ملاقات کے دوران دونوں رہنماؤں نے مختلف شعبوں میں باہمی تعاون کو مزید مضبوط بنانے کے عزم کا اعادہ کیا، خصوصاً شمالی قبرص میں مقیم پاکستانی کمیونٹی کی تعلیم اور فلاح و بہبود کے حوالے سے اقدامات پر زور دیا گیا۔
اس موقع پر دونوں ممالک نے اس بات پر بھی اتفاق کیا کہ قریبی رابطے برقرار رکھے جائیں گے اور مشترکہ مفادات کے فروغ کے لیے باہمی تعاون کو مزید وسعت دی جائے گی۔
