سپریم کورٹ نے 54 ارب روپے قرضہ معافی ازخود نوٹس پر التوا کی درخواست پر سماعت گرمیوں کی تعطیلات کے بعد تک ملتوی کر دی۔
سپریم کورٹ میں 54 ارب روپے قرضہ معافی ازخودنوٹس کیس پر سماعت ہوئی،جسٹس اعجازالاحسن کی سربراہی میں 3 رکنی بینچ نے سماعت کی، جسٹس منیب اختر اور جسٹس جمال خان مندوخیل بینچ کا حصہ تھے۔
عدالت نے وکیل کی التوا کی درخواست پر سماعت ملتوی کر دی، مزید سماعت سپریم کورٹ کی گرمیوں کی تعطیلات کے بعد ہو گی۔
یاد رہے کہ سپریم کورٹ نے 2007 میں بینکوں سے قرض معاف کرنے والے 222 افراد کے خلاف ازخود نوٹس لیا تھا۔
