وزارت اطلاعات و نشریات نے افغان میڈیا اور بھارتی حمایت یافتہ عناصر کی جانب سے کنڑ میں مبینہ حملوں سے متعلق پھیلائے گئے دعوؤں کو سختی سے مسترد کردیا ہے۔
وزارت اطلاعات کی جانب سے جاری بیان میں کہا گیا ہے کہ کنڑ سے متعلق فرضی حملوں کی خبریں ایک منظم پروپیگنڈا مہم کا حصہ ہیں، جس کا مقصد غلط معلومات پھیلانا ہے۔
🔎 𝐅𝐚𝐜𝐭 𝐂𝐡𝐞𝐜𝐤 | 𝐌𝐢𝐧𝐢𝐬𝐭𝐫𝐲 𝐨𝐟 𝐈𝐧𝐟𝐨𝐫𝐦𝐚𝐭𝐢𝐨𝐧 & 𝐁𝐫𝐨𝐚𝐝𝐜𝐚𝐬𝐭𝐢𝐧𝐠
◼️ The continuous propaganda around phantom strikes in Kunar by Afghan media and officials backed by the Indian propagandists indicate that;
(1) Afghan Taliban Regime, having… pic.twitter.com/E6CmjdM88J— Fact Checker MoIB (@FactCheckerMoIB) April 27, 2026
وزارت کے مطابق افغان طالبان حکومت اپنے عوام کو خدمات، فلاح و بہبود اور مؤثر حکمرانی فراہم کرنے میں ناکام ہے، اور اسی ناکامی کو چھپانے کے لیے منفی بیانیے اور غلط اطلاعات پر انحصار کیا جا رہا ہے۔
بیان میں مزید کہا گیا ہے کہ افغان طالبان کے طرزِ عمل میں جھوٹے بیانیے اور من گھڑت دعوؤں کا عنصر نمایاں ہے، جنہیں بعض بیرونی عناصر کی پشت پناہی حاصل ہے۔
وزارت اطلاعات نے واضح کیا ہے کہ پاکستان کی جانب سے کسی بھی دہشتگردی کے ڈھانچے کے خلاف کارروائیاں ہمیشہ واضح حکمت عملی اور اعلان کے ساتھ کی جاتی ہیں، اور آئندہ بھی اسی پالیسی کے تحت اقدامات کیے جائیں گے۔
