مشرق وسطیٰ میں ایک بار پھر کشیدگی بڑھنے کے خدشات کے باعث عالمی منڈی میں خام تیل کی قیمتوں میں نمایاں اضافہ دیکھا گیا ہے، جہاں قیمتیں 5 فیصد سے زیادہ اوپر چلی گئی ہیں۔
میڈیا رپورٹس کے مطابق ایران کی جانب سے اسٹریٹ آف ہرمز میں ایک امریکی جنگی جہاز پر میزائل داغے جانے اور فجیرہ میں واقع ایک پیٹرولیم صنعتی تنصیب کو نشانہ بنانے کے بعد عالمی منڈیوں میں پہلے سے موجود بے چینی مزید بڑھ گئی ہے۔
اس صورتحال کے بعد عالمی منڈی میں برطانوی خام تیل کی قیمت میں 5.5 ڈالر کا اضافہ ہوا ہے جس کے بعد یہ 113.72 ڈالر فی بیرل تک پہنچ گئی ہے۔
اسی طرح امریکی خام تیل ڈبلیو ٹی آئی 3.30ڈالر اضافے کے ساتھ 103 ڈالر فی بیرل میں فروخت ہو رہا ہے۔
متحدہ عرب امارات کا مربن کروڈ بھی 2.74 ڈالر اضافے کے بعد 106.50 ڈالر فی بیرل پر پہنچ گیا ہے۔
واضح رہے کہ ایران نے متحدہ عرب امارات پر میزائلوں اور ڈرونز سے حملہ کیا ہے، جس کے بعد خطے میں کشیدگی بڑھ گئی ہے۔
