پاکستان کے ابھرتے ہوئے مسٹری اسپنر عثمان طارق نے انگلینڈ کی کاؤنٹی ٹیم وارکشائر بیئرز کے ساتھ معاہدہ کر لیا ہے جس کے تحت وہ وائٹیلٹی ٹی 20 بلاسٹ 2026 میں ٹیم کی نمائندگی کریں گے۔ یہ ٹورنامنٹ 22 مئی سے شروع ہوگا۔
یہ بھی پڑھیں: عثمان طارق کا ایکشن آئی سی سی قوانین کے مطابق ہے، بھارتی امپائر کا اعتراف، انڈین ٹیم میں خوف کا عالم
میڈیا رپورٹس کے مطابق 30 سالہ اسپنر جو عالمی فرنچائز کرکٹ میں تیزی سے مقبول ہو رہے ہیں نے دنیا بھر کی مختلف لیگز کی پیشکشیں مسترد کر کے وارکشائر کے ساتھ کھیلنے کا فیصلہ کیا۔
ان کی شمولیت سے ٹیم کے بولنگ اٹیک کو خاصی مضبوطی ملے گی جبکہ وہ انگلینڈ کے سمر سیزن میں زیادہ تر وقت ایجبسٹن میں گزاریں گے۔ بعد ازاں وہ دی ہنڈرڈ میں برمنگھم فینکس کی نمائندگی بھی کریں گے جنہوں نے انہیں مارچ ڈرافٹ میں 1 لاکھ 40 ہزار پاؤنڈ میں حاصل کیا تھا۔
Worth the wait 🎰
Full Story on Usman Tariq joining the Bears ✍️ https://t.co/qWY3J10nYQ
🐻 #YouBears pic.twitter.com/MWJdf3wioc
— Bears (@WarwickshireCCC) May 5, 2026
عثمان طارق اپنے منفرد بولنگ ایکشن کی وجہ سے خاصے مشہور ہیں، جسے وہ خود ’2 کہنیوں‘ (ٹو ایلبو) والا انداز قرار دیتے ہیں۔ اگرچہ پی ایس ایل 2026 میں کوئٹہ گلیڈی ایٹرز کے لیے ان کی کارکردگی اوسط رہی تاہم انہوں نے بین الاقوامی سطح پر اپنی صلاحیتوں کا بھرپور مظاہرہ کیا۔
ٹی ٹوئنٹی ورلڈ کپ میں پاکستان کی مجموعی کارکردگی متاثر کن نہ ہونے کے باوجود عثمان طارق نے 6 میچز میں 10 وکٹیں حاصل کیں جن کی اوسط 14.10 رہی جبکہ انگلینڈ کے خلاف اہم میچ میں 2 وکٹیں لے کر 31 رنز دیے۔
مزید پڑھیے: سابق کپتان راشد لطیف نے عثمان طارق کی تصویر کے ساتھ غیر قانونی بولنگ کا قانون کیوں یاد دلایا؟
مجموعی طور پر ان کے ٹی 20 کیریئر میں 60 میچز میں 89 وکٹیں شامل ہیں جبکہ سال 2025 میں ڈیبیو کے بعد وہ 9 بین الاقوامی میچز میں 18 وکٹیں حاصل کر چکے ہیں جن میں ایک ہیٹ ٹرک بھی شامل ہے۔
عثمان طارق نے اس موقع پر خوشی کا اظہار کرتے ہوئے کہا کہ وہ ٹیم میں نئی توانائی اور جوش لانے کے لیے پرجوش ہیں اور ایجبسٹن میں شائقین کے سامنے کھیلنے کے منتظر ہیں۔
Making Edgbaston his home this summer 🏠 pic.twitter.com/u55l3Aj1h5
— Edgbaston Stadium (@Edgbaston) May 5, 2026
وارکشائر کے پرفارمنس ڈائریکٹر جیمز تھامس نے بھی ان کی شمولیت کو ٹیم کے لیے اہم قرار دیتے ہوئے کہا کہ عثمان طارق جدید وائٹ بال کرکٹ کے لیے ایک خطرناک بولر ہیں اور ان کی کارکردگی ٹیم کے لیے نہایت مفید ثابت ہوگی۔
مزید پڑھیں: عثمان طارق کی زمبابوے کے خلاف شاندار ہیٹ ٹرک
انہوں نے مزید کہا کہ وارکشائر اور برمنگھم فینکس کے درمیان ہم آہنگی کے باعث یہ معاہدہ مزید اہمیت اختیار کر گیا ہے جس سے کھلاڑی کی کارکردگی اور شائقین کے ساتھ تعلق کو مزید مضبوط بنانے میں مدد ملے گی۔
