امریکا کی معروف بجٹ ایئرلائن اسپرٹ نے اپنے چمکدار پیلے رنگ کے طیارے گزشتہ ہفتے گراؤنڈ کرنے کے بعد عدالت سے اپنا کاروبار سمیٹنے کی باقاعدہ اجازت حاصل کر لی ہے۔
یہ بھی پڑھیں: امریکی فضائی کمپنی ڈیلٹا ایئر لائنز شدید انتظامی مسائل کا شکار، سینکڑوں پروازیں منسوخ
اسپرٹ ایئرلائنز نے ہفتے کے آخر میں اچانک اپنی تمام مستقبل کی پروازیں منسوخ کرنے کے بعد عدالت سے رجوع کیا تھا تاکہ اپنےاثاثوں کو قرض خواہوں کو ادائیگی کے لیے نقد رقم میں تبدیل کرنے کا عمل شروع کرسکے۔
امریکا میں دیوالیہ پن سے متعلق عدالت کے جج شان لین نے ایئرلائن کے تیز رفتار بندش کے منصوبے کی منظوری دی، جس کے بعد اسپرٹ کو اپنی باقی کاروباری سرگرمیوں کو ختم کرنے اور اثاثوں کی فروخت کی طرف بڑھنے کی اجازت مل گئی۔
The "Dollar General of the skies" is finally out of runway. After two bankruptcies and a failed $500M government bailout, Spirit Airlines is officially prepping to shut down. Say what you want about the legroom, but watch how fast your "premium" fares double now.
— Goodness And Mercy (@FineAndRich) May 1, 2026
جج نے سماعت کے دوران ریمارکس دیتے ہوئے کہا کہ آج کا دن بہت مشکل ہے۔ یہ وہ دن نہیں تھا جس کی کسی نے کبھی امید کی ہو، انہوں نے ایئرلائن کے ملازمین اور ان کے خاندانوں سے ہمدردی کا اظہار بھی کیا۔
مزید پڑھیں: امریکی ایئر لائنز کا بڑا فیصلہ، اب مسافروں کو مفت کھانا اور مشروبات نہیں ملیں گے
عدالتی منظوری ضروری تھی کیونکہ کسی ایئرلائن کو بند کرنا ایک پیچیدہ عمل ہوتا ہے، جس میں قرض دہندگان، ریگولیٹرز، ایئرپورٹ حکام اور ملازمین سب شامل ہوتے ہیں اور اس پورے عمل کو انتہائی احتیاط سے مکمل کرنا پڑتا ہے۔
گزشتہ روز کی سماعت میں 100 سے زائد افراد نے آن لائن شرکت کی، جو اس کیس میں گہری دلچسپی کو ظاہر کرتا ہے۔
اسپرٹ ایئرلائنز کا منصوبہ یہ ہے کہ وہ اپنے تمام ممکنہ اثاثے فروخت کرے، جن میں طیارے، انجن، اسپیئر پارٹس، ایئرپورٹ گیٹس اور لینڈنگ سلاٹس شامل ہیں، جبکہ ساتھ ہی اضافی اخراجات جیسے تنخواہوں، لیز اور دیگر اخراجات کو کم سے کم رکھا جائے گا۔
