نائب وزیر اعظم و وزیر خارجہ اسحاق ڈار کا کہنا ہے کہ حکومت سمیت ہر شہری کی قومی ذمہ داری ہے کہ توانائی کے تحفظ اور کفایت شعاری اقدامات پر مکمل طور پر عمل کیا جائے۔
یہ بھی پڑھیں: کفایت شعاری مہم، پنجاب اسمبلی کے ملازمین کو ملنے والا اعزازیہ بھی بند
بچت اور اضافی کفایت شعاری اقدامات کی نگرانی و عملدرآمد سے متعلق قائم کمیٹی اجلاس کی صدارت کرتے ہوئے انہوں نے کفایت شعاری پر زور دیا کیونکہ عالمی سطح پر ایندھن کی قیمتیں اب بھی بلند ہیں۔
نائب وزیراعظم نے اجلاس کے دوران حکومت کی جانب سے پہلے سے اعلان کردہ مختلف کفایت شعاری اقدامات کی موجودہ صورتحال پر بریفنگ لی۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired today a meeting of the Committee for Monitoring and Implementation of Conservation and Additional Austerity Measures.
DPM/FM reviewed the current status of different austerity measures as… pic.twitter.com/7oo2MBXzz8
— Office of the Deputy Prime Minister (@DPM_PK) May 6, 2026
انہوں نے زور دیا کہ عالمی سطح پر ایندھن کی قیمتیں اب بھی بلند ہیں، اس لیے حکومت سمیت ہر شہری کی قومی ذمہ داری ہے کہ توانائی کے تحفظ اور کفایت شعاری اقدامات پر مکمل طور پر عمل کیا جائے۔
اسحاق ڈار نے ہدایت کی کہ ایسے اہم اور ہنگامی نوعیت کے سرکاری امور جو ان اقدامات سے متاثر ہو سکتے ہوں، انہیں کمیٹی کے سامنے پیش کیا جائے تاکہ ضروری حکومتی امور کی انجام دہی متاثر نہ ہو۔
مزید پڑھیں: پوری قوم کو پیٹرول کی بچت اور کفایت شعاری مہم میں اپنا کردار ادا کرنا ہوگا، وزیراعظم شہباز شریف
اجلاس میں پیٹرولیم، انفارمیشن ٹیکنالوجی و ٹیلی کام، موسمیاتی تبدیلی کے وفاقی وزرا، وزیر مملکت برائے خزانہ، سیکریٹری کابینہ، اسٹیبلشمنٹ، تجارت، پیٹرولیم، ثقافت و ورثہ سمیت دیگر متعلقہ حکام نے شرکت کی۔
