وفاقی وزیرِ بحری امورمحمد جنید احمد چوہدری نے کہا ہے کہ وزیراعظم کی قیادت میں بحری شعبے میں تاریخی اقدامات جاری ہیں اور پاکستان عالمی سپلائی چین میں ایک مؤثر متبادل ٹرانس شپمنٹ مرکز کے طور پر ابھر رہا ہے۔
مزید پڑھیں: وزیراعظم کا دورۂ امریکا: عالمی رہنماؤں سے اہم ملاقاتیں، علاقائی و عالمی امور پر تبادلۂ خیال
گلوبل سیفٹی ڈے کی تقریب سے خطاب کرتے ہوئے انہوں نے کہا کہ پورٹ قاسم پر شپ بلڈنگ کمپلیکس، گارمنٹس سٹی اور 700 ملین ڈالر کی لاگت سے سی ٹو اسٹیل منصوبہ شروع کیا جا رہا ہے، جو صنعتی ترقی میں اہم کردار ادا کریں گے۔
وزیرِ بحری امور نے بتایا کہ پاکستان کی پہلی قومی فشریز اور ایکواکلچر پالیسی بھی حتمی مراحل میں داخل ہو چکی ہے، جبکہ بندرگاہوں پر قائم انرجی ٹرمینلز ملکی معیشت اور صنعت کے فروغ میں کلیدی حیثیت رکھتے ہیں۔
انہوں نے کہا کہ خطے کی موجودہ صورتحال میں پاکستانی بندرگاہوں نے اپنی استعداد اور صلاحیت ثابت کی ہے، جبکہ عید کی تعطیلات کے دوران بھی بندرگاہوں کی کارکردگی نمایاں رہی۔
مزید پڑھیں: صدرِ پاکستان آصف علی زرداری 4 روزہ سرکاری دورۂ بحرین مکمل کرکے وطن روانہ
جنید انوار چوہدری نے کہا کہ ہم سب پاکستان کی بدولت محفوظ ہیں، اس لیے ملک کی قدر کرنا ہم سب کی ذمہ داری ہے۔
