قومی کرکٹ ٹیم کے سابق کپتان شاہد آفریدی نے حکومت کی جانب سے دیا گیا تمغہ امتیاز شہدائے وطن کے نام کردیا۔
سماجی رابطے کی سائٹ ’ایکس‘ پر اپنے ایک بیان میں انہوں نے کہاکہ حکومت پاکستان کی جانب سے تمغہ امتیاز ملنا میرے لیے بڑے اعزاز کی بات ہے، یہ صرف شاہد آفریدی کا نہیں بلکہ پوری پاکستانی قوم کا فخر ہے۔
رِ پاکستان کی جانب سے ملنے والا تمغۂ امتیاز میرے لیے اعزاز کی بات ہے۔
یہ صرف شاہد آفریدی کا نہیں بلکہ پوری پاکستانی قوم کا اعزاز ہے ❤️🇵🇰
آپ لوگوں کی محبت، دعاؤں اور سپورٹ نے ہی مجھے یہاں تک پہنچایا۔
یہ ایوارڈ اُن شہداء کے نام بھی ہے جنہوں نے وطن کیلئے اپنی جانوں کی قربانی دی۔… pic.twitter.com/0FTyFysncq— Shahid Afridi (@SAfridiOfficial) May 13, 2026
انہوں نے کہاکہ یہ سب آپ کی محبت، دعاؤں اور سپورٹ کا نتیجہ ہے جس نے مجھے اس مقام تک پہنچایا۔ یہ ایوارڈ ان شہدا کے نام بھی ہے جنہوں نے وطن کی خاطر اپنی جانوں کا نذرانہ پیش کیا۔
واضح رہے کہ صدر مملکت آصف علی زرداری نے ملک کے مختلف شعبوں میں نمایاں خدمات انجام دینے والوں کو قومی اعزازات سے نواز دیا۔
ایوان صدر میں اس حوالے سے ایک تقریب کا انعقاد کیا گیا، جہاں ان شخصیات میں اعزازات تقسیم کیے گئے۔
اس موقع پر کھیل کے میدان میں خدمات کے اعتراف میں سابق کپتان قومی کرکٹ ٹیم شاہد آفریدی کو ہلالِ امتیاز عطا کیا گیا، جبکہ معروف کوہ پیما شہروز کاشف کے لیے دیا گیا ہلالِ امتیاز ان کی والدہ نے وصول کیا۔
سابق قومی کرکٹ اسٹار شاہد آفریدی کو اعلیٰ کارکردگی کے اعتراف میں ہلالِ امتیاز سے نواز دیا گیا۔#ShahidAfridi pic.twitter.com/FibNjGV7Ja
— WE News (@WENewsPk) May 13, 2026
اس کے علاوہ گزشتہ روز خود کش حملہ آور کو روکتے ہوئے شہید ہونے والے لیاقت علی کو ستارہ شجاعت سے نوازا گیا، اور یہ اعزاز ان کی والدہ نے ایوان صدر نے وصول کیا۔
