گوجرانوالہ میں قائم ایف آئی اے کی خصوصی عدالت کے جج نے انسانی اسمگلنگ کیس میں نامزد 2 ملزمان کو 22، 22 سال قید اور 14، 14 لاکھ روپے جرمانے کی سزا سنائی ہے۔
پروسیکیوشن کے مطابق انسانی اسمگلنگ میں ملوث باپ بیٹے نے 2 بھائیوں کو اٹلی بھجوانے کے عوض 62 لاکھ روپے وصول کیے تھے۔
یہ بھی پڑھیں: کراچی: انسانی اسمگلنگ میں ملوث گروہ بے نقاب، 4 ملزمان گرفتار، 30 سے زائد خواتین بازیاب
تاہم انہیں اٹلی تک پہنچانے کا غیرقانونی طریقہ اپنایا گیا اور دونوں بھائی لیبیا کے قریب کشتی الٹنے کے افسوسناک حادثے میں جاں بحق ہو گئے۔
یہ واقعہ جون 2023 میں پیش آیا تھا، جس کے بعد متاثرہ خاندان نے ایف آئی اے گوجرانوالہ میں مقدمہ درج کروایا تھا۔
مزید پڑھیں: بیرون ملک پرکشش نوکریوں کا جھانسا دیکر بلیک میل کرنے والا گروہ کیسے بے نقاب ہوا؟
واضح رہے کہ 5 فروری 2023 کو لیبیا کے ساحل کے قریب تارکین وطن کی کشتی الٹنے سے 16 پاکستانی شہری جان کی بازی ہار گئے تھے۔
